Хүүхдийн төлөө үндэсний зөвлөлийн тогтоол, Хөдөлмөр, нийгмийн хамгааллын сайдын “Хүүхдийн эрхийг хамгаалах, эрсдлээс урьдчилан сэргийлэх тухай” албан даалгаварын дагуу, хүүхдийг аливаа эрсдэлд өртөхөөс урьдчилан сэргийлэх, нийгмийн хандлагыг төлөвшүүлэхэд, байгууллагын “Эцэг, эхийн зөвлөл”-тэй хамтран ажиллаж, харьяа байгууллага, орон нутгийн нэгжүүдэд зөвлөмжийг хүргүүлсэн юм. Энэ зөвлөмжийн хүрээнд Гэр бүл хүүхэд залуучуудын хөгжлийн газраас Хүүхдийг аливаа эрсдэлд өртөхөөс урьдчилан сэргийлэх, нийгмийн хандлагыг төлөвшүүлэх, шинэ төрлийн корона вирусээс урьдчилан сэргийлэх зэрэг ажлыг “Эцэг, эхийн зөвлөл”-өөр дамжуулан хэрэгжүүлж байна. Одоогоор тус газраас нийслэл, 199 сум, 1354 төрийн болон төрийн бус байгууллага, аж ахуйн нэгжийн “Эцэг эхийн зөвлөл”-д зөвлөмж хүргүүлжээ. Энэ ажлын үр дүнд нийслэл болон долоон аймгийн Засаг дарга байгууллагын албан хаагчдаа халдварт өвчнөөс урьдчилан сэргийлж багасгасан цагаар ажиллах, 347 байгууллага 0-5 болон 0-12 насны хүүхэдтэй эцэг, эхчүүдийг багасгасан цагаар ажиллуулах шийдвэр гарган хэрэгжүүлж байна.
© 2017-2023 Copyrights БҮХ ЭРХ ХУУЛИАР ХАМГААЛАГДСАН