Сүүлийн 10 хоногт коронавирусын халдвар шинээр 37 улсад бүртгэгдэж нийт нас барсан хүний тоо 3000 хүрээд байна. Итали олон Иранд уг вирус нэлээн голомтллон тархаж байгаа бөгөөд ялангуяа Иран улсад байдал БНХАУ-ын Ухань хотын хэмжээнд хүрч болзошгүй гэх айдас мэргэжилтнүүдэд байгаа юм.
Өнөөдрийн байдлаар /2020-03-02/ “Covid19”-ийн халдварын талаар ийм шинэ мэдээллүүд байна.
- Австралид дотоодоосоо халдвар авсан анхны хоёр тохиолдол гарав.
- Иранд хоёрдугаар сарын 19-нд анх “Covid19”-ийн халдвар бүртгэгдсэн бол өнөөдрийн байдлаар 978 хүн халдвар авч, 54 хүн нас баржээ.
- АНУ-ын Вашингтон болон Нью Йорк хот хоёр хүн нас барснаар коронавирусын халдвараар нас барсан анхны тохиолдол тэмдэглэгдэв.
- Индонези улсад анхны хоёр халдвар бүртгэгдлээ.
- БНСУ-д 4000 хүн халдвар авч 22 хүн нас барав.
- БНХАУ-д 2002 шинэ тохиолдол, 22 нас баралт бүртгэгдэв.
- Итали улсад 1694 тохиолдол бүртгэгдэж, вирусын халдвар авсан 34 дэх өвчтөн нас барлаа.
