Засгийн эрхийг үнэмлэхүй олонхоор барьж буй МАН-ын Нарийн бичгийн дарга Ц.Бат-Энх пүрэв гарагт Японоос ирэх сүүлчийн онгоцоор эх орондоо иржээ. Тэрбээр Солонгост хэсэг хугацаанд байсан бөгөөд нислэг цуцалмагц Японоор дамжин Монголд ирсэн тухай эх сурвалжууд мэдээлж байна.
Түүнийг нисэх буудалд газармагц өндөржүүлсэн бэлэн байдлын үеийн горимоор эрсдэлтэй гэж үзэн тусгаарлах гэтэл шаардлага хүлээж авалгүй эсэргүүцсэн байна. Улсын онцгой комиссоос коронавирүсийн халдварын голомтоос ирж буй бүх хүнийг тусгаарлан, шинжилгээ авч, тодорхой хугацаанд хяналтад байлгаж байгаа.
Гэтэл МАН-ын Нарийн бичгийн дарга Ц.Бат-Энх Онцгой байдлын ажилтнуудын тавьсан шаардлагыг биелүүлээгүй, дарга даамал руу утасдах зэргээр ёс зүйгүй авир гаргасан гэлцэж байна. Тиймээс түүнийг албадан саатуулж Онцгой байдлын газрын тусгаарлах байранд хүргэжээ.
Дэлхий нийтийг айдаст автуулж, олон мянган хүний амь насыг авч одсон коронавирүсийн халдвар Монголын эрх баригч намын удирдлагын нэг Ц.Бат-Энхийг тойрно гэж байхгүй. Халдвар тархсан улсаас зорчиж ирээд хяналтад орохгүй байх нь бусдын эрүүл мэндэд заналхийлж буй гэмт үйлдэл юм.
Юутай ч энэ явдал Ерөнхий сайд У.Хүрэлсүхийн чихэнд хүрч өндөржүүлсэн бэлэн байдлын дэглэм зөрчиж, онцгой байдлын албан хаагч нарын шаардлагыг биелүүлээгүй Ц.Бат-Энхэд хариуцлага тооцохыг МАН-ын Ерөнхий нарийн бичгийн дарга Д.Амарбаясгаланд даалгасан тухай хэвлэлүүд мэдээлж эхэллээ.
Ene alban tushaalaar luivar hiij yavdag amitniig bushuuhan huuj busdad surgamj ugugh herevtei
ХА ХА ХА. ЯМАР МАНГАР ЮМ БЭ.