УИХ-ын дэд дарга асан Г.Батхүү Төрийн ордонд амь насаа алдсан хэрэг дуулиан дагуулаад байгаа. Гишүүн Н.Номтойбаяр энэ хэргийн талаар хэд хэдэн удаа мэдээлэл хийж, өөрийгөө гэм буруугүй хэмээн мэдэгдсэн. Харин өнөөдөр ЦЕГ-аас хэргийн талаар зөвшөөрөгдөх түвшинд мэдээлэл өглөө.
ЦЕГ-ын Мөрдөн байцаах албаны Хүнд гэмт хэрэгтэй тэмцэх хэлстийн дарга, дэд хурандаа П.Эрдэнэбилэг:
УИХ-ын гишүүн асан Г.Батхүүгийн амь нас хохирсон хэрэг дээр өмгөөлөгчөөр ажиллаж буй Батхуяг 2020 оны нэгдүгээр сарын 22-ны өдөр мэдээлэл хийх үеэрээ мөрдөн шалгах ажиллагааны нууц мэдээллийг олон нийтэд задруулсан. Цагдаагийн байгууллагаас Мөрдөн шалгах ажиллагааны нууц задруулсан хэргээр хэрэг бүртгэлтийн хэрэг нээсэн.
13 секундийн бичлэг гэж асуудал яригдаад буйг хүмүүс мэдэж байгаа байх. Үүнийг Г гэгч хуурамчаар зохиож, ар гэрийнхнээс нь 15 сая төгрөг авсныг 2019 оны тавдугаар сарын 28-ны өдөр тогтоож, мөрдөн шалгах ажиллагаа явуулж байна.
Г гэгч дээрхээс гадна зургаан удаагийн үйлдлээр 269,101.575 сая төгрөгийг бусдаас залилж авсан энэ үйлдэлд нь холбогдуулан Сүхбаатар дүүргийн цагдаагийн хэлтэс мөрдөн шалгах ажиллагаа явуулж дууссан хэргийг шүүхэд шилжүүлэх саналаа прокурорын хяналтад хүргүүлсэн” хэмээн ярилаа.