Эрх баригч МАН-ын Хяналтын ерөнхий хороо хуралдаж УИХ-ын гишүүн Н.Номтойабаярыг намаасаа хөөх шийдвэр гаргажээ. Түүнийг олон нийтийн газар зүй бус авирласан, бие зөв авч яваагүй, МАН-ын нэр хүндийг олон нийтийн дунд унагасан гэх үндэслэлээр МАН-аас гарсанд тооцсон байна. Энэ талаар МАН-ын Хяналтын ерөнхий хорооны дарга Д.Батбаатар албан ёсоор мэдэгдсэн юм.
Н.Номтойбаярын УИх-ын гишүүний бүрэн эрхийг түдгэлзүүлэх эсэхийг парламент энэ цаг үед хэлэлцэж буй. Түүний бүрэн эрхийг түдгэлзүүлэх асуудлыг Халдашгүй байдлын дэд хороо дэмжсэн бол өчигдөр хуралдсан Хууль зүй, Төрийн байгуулалтын байнгын хорооны хуралдаанаар түдгэлзүүлэх шаардлагагүй гэсэн шийдвэр гаргасан юм. МАН түүнийг хөөснөөр Н.Номтойбаяр УИХ-ын сул гишүүн боллоо.
