Засгийн газраас Ерөнхий боловсролын сургууль, цэцэрлэг, их, дээд сургууль, МСҮТ зэрэг боловсролын салбарын байгууллагуудыг гуравдугаар сарын 2-ныг хүртэл хаахын зэрэгцээ олон нийтийн арга хэмжээнүүдийг цуцлах шийдвэр гаргалаа.
Тухайлбал, жолооны курс, сургалтын төвүүдийн үйл ажиллагаа болон урлаг, соёл, спорт зэрэг нийтийг хамарсан арга хэмжээг бүхэлд нь хориглолоо.
Мөн кино үзвэрийн газрууд 18 хүртэлх насны хүүхэд залууст үйлчлэхгүй бөгөөд PC тоглоом, автомат тоглоом, хүүхдийн тоглоомын төвүүдийн үйл ажиллагааг гуравдугаар сарын 2-ныг хүртэл хязгаарлаж байна.
