46 настай хятад залуугийн тархинд өт үүрлэснийг БНХАУ-ын Зэйжанг их сургуулийн эмнэлэг өнгөрсөн долоо хоногт мэдээлжээ. Тодруулбал тэрээр, сарын өмнө халуун тогооны газар хонь болон гахайн шүүрхийдүү мах идсэн бөгөөд түүнээс хойш хэдхэн хоногийн дараагаас толгой нь тэсэх аргагүй өвдөж, шөнө нь татаж унаснаар хамт ажилладаг хүн нь эмнэлэгт залууг аваачсан байна. Ингээд MRI зургаар түүний тархинд маш олон тооны өт байгааг илрүүлжээ.
Гахай, болон үхрийн мах нь өтний авгалдай, шимэгчтэй байсан гэж эмч нар дүгнэсэн бөгөөд хоолоо дөнгөж буцалгаад идсэн гэж залуу ярьсан байна. Эмчилгээ хийгдээд залуугийн толгойн өвчин намдаж биеийн байдал харьцангуй дээрдэж байгаа ажээ.
Шимэгч, авгалдайтай мах идсэн тохиолдолд тэр нь нарийн гэдсэнд өсч томрон өт болоод хүний биеийн булчин болон тархинд очиж үүрлэн амьдардаг байна. Гахай олноор тэжээдэг, ариун цэврийн байдал сайнгүй орон нутгийнханд иймэрхүү өвчлөл олноор тохиолддог талаар CNN мэдээлжээ.
