Бельгийн иргэн Лаурэнт Симонс есөн настайдаа бакалаврын зэрэг хамгаалж их, дээд сургуулийн боловсрол эзэмших гэж байна. Тэрээр Eindhoven их сургуулийн цахилгааны инженерийн ангид суралцдаг бөгөөд ирэх сард төгсөх гэнэ. Тэрээр үүнийхээ дараа цахилгааны инженерийн чиглэлээрээ докторын зэрэг хамгаална, мөн анагаах ухааны чиглэлээр давхар суралцахаар төлөвлөсөн талаар хүүгийн аав CNN агентлагт ярьжээ.
Хүүгийн өвөө эмээ нь хүүг бурхнаас ирсэн онцгой бэлэг гэж нэрлэдэг бөгөөд багш нар нь ч гэсэн хүүг бусдаас ялгаатайг зөвшөөрч бусад оюутнаас богино хугацаагаар курсээ дүүргэхийг зөвшөөрсөн байна. Тэрээр маш хурдан тогтоох ойлгох чадвартай бөгөөд түүний тархи яг л ус шингээж авдаг хөвөн шиг гэж багш нар нь тодорхойлжээ. Түүний ээж нь хүүгээ гэдсэнд байхад загас их иддэг байсан магадгүй энэ нь нөлөөлсөн юм болов уу гэж ярьсан байна.
Eindhoven их сургуулийн бакалаврын боловсролын тэнхимийн эрхлэгч Eindhoven Лаурэнт шиг сурах чадвартай оюутан өмнө нь хараагүй гэж хэлжээ.
