“Монголын үндэсний фронт” хөдөлгөөнийнөөс маргааш буюу арваннэгдүгээр сарын 7-нд нийслэлийн төв талбайд жагсаал зохион байгуулахаар төлөвлөснөө мэдэгдээд байв. Нийслэлийн Засаг даргын Тамгын газраас “Монголын Үндэсний фронт”-ын тэргүүн Б.Баярмагнайд зөвшөөрөл хүссэн хүсэлтийн хариуг албан бичгээр хүргүүлжээ. Уг бичигт ЗГХЭГ-аас арваннэгдүгээр сарын 7-нд төрийн ёслолын арга хэмжээтэй тул жагсаал цуглаан зохион байгуулахыг зөвшөөрөх боломжгүй хэмээн мэдэгджээ.
Ингээд “Монголын үндэсний фронт” хөдөлгөөний жагсаал цуглааныг арваннэгдүгээр сарын 8-ны 11.00-18.00 цагт буюу төлөвлөсөн өдрийг нь нэг хоногоор хойшлуулж зохион байгуулах зөвшөөрөл өгчээ. Тэд өнөөгийн УИХ-ыг тарах, Үндсэн хуульд нэмэлт өөрчлөлт оруулах тухай хуулийн төслийг батлахгүй байхыг шаардаж байгаа юм.
