Лэди Гага 2019 оны Алтан бөмбөрцөг наадамд өмсч гоёсон энэ даашинзыг дуудлага худалдаагаар зарахаар болжээ. Гэхдээ хачирхалтай нь дуудлага худалдаанд оруулах гэж байгаа хүн нь Гага биш Беверли Хилтон зочид буудлын үйлчлэгч бүсгүй гэнэ. Учир нь Гага даашинзаа Алтан бөмбөрцөг наадмын дараа орхиж явсныг үйлчлэгч бүсгүй олсон аж. Тэрээр гээсэн зүйл өгдөг хэсэгт даашинзыг аваачиж өгсөн ч даашинз тэнд хэдэн сар болсон учир зочид буудлаас үйлчлэгчид даашинзыг өгчээ. Ингээд бүсгүй даашинзны эзэн болж дуудлага худалдаанд оруулсан аж. Гэхдээ даашинзыг дуудлага худалдааны сайтад байршсаны дараа түүнийг ийм эрхтэй эсэх, хулгайд тооцох эсэх талаар асуудал үүссэн байна. Гэхдээ цагдаагаас үүнийг гэмт хэрэг гэж үзэх боломжгүй, талууд хоорондоо ярилцаж шийдэх асуудал гэж үзсэн байна.
Даашинзыг 8000 ам.доллараас эхэлж дуудах бөгөөд 20-40 мянган ам доллар хүрч зарагдана гэж тооцоолж байгаа ажээ.
