Өмнөд Африкын “Gourmet Grubb” компани “EntoMilk” буюу шавьж хорхойн сүүгээр амтат мөхөөлдөс хийснээ танилцууллаа. Өт, халуун орны шавьж хорхой, ялаанаас гаргаж авсан энэ мөхөөлдөс нь тансаг зэрэглэлийн бүтээгдэхүүнд тооцогдож байгаа бөгөөд хүмүүст амт нь таалагдаж байгаа талаар тус компани CNN-д ярьжээ.
“Gourmet Grubb” компани 2017 оноос хойш хүнсний үйлдвэрлэлд хорхой шавьжийг ашиглахаар ажиллаж байгаа ойролцоогоор 1900 орчим шавьж хорхойг хүнсэнд хэрэглэж болно гэх тооцоо гаргасан байна.
НҮБ дэлхийн хүн амыг хүнсний хомсдлоос гаргахын тулд ийм төрлийн хүнс үйлдвэрлэлийг бий болгох шаардлагатай, 2050 он гэхэд хорхой, шавьжнаас гаргасан хүнсийг хэрэглэж сурсан байх нь зохистой гэх дүгнэлт гаргаад байгаа. Мөн шавьж нь мах болон загастай дүйхэцүйц шим тэжээлийн агуламж өндөртэй гэж дүгнэсэн.
Мөхөөлдсүүд шоколад самрын тос агуулсан бөгөөд жирийн сүүгээр хийсэн мөхөөлдсөөс тав дахин илүү уурагтай, илүү тэжээллэг гэнэ. Тодруулбал, “black solider” гэх ялааны уураг, тосны хэмжээ үхрийн махтай ойролцоо, төмөр, цинк, кальцийн хэмжээгээрээ үхрийн махнаас ч илүү байдаг аж.“EntoMilk” нь сахар болон нүүрс ус, глютен, лактоз агуудаагүй гэнэ.
