Японы төрийн албан хаагчид, улстөрчид дэвүүр, хүж зэрэг зүйл сонгогчдодоо тараасан хэргээр огцорж байсан тохиолдол цөөнгүй бий. Тэгвэл Японы худалдааны сайд Сугавара Ишю өнөөдөр сонгуулийнхаа кампанит ажлын үеэр Токио хотын оршин суугчдад оршуулгын ёслолд ашигладаг үнэтэй гуа, наймаалж зэргийг бэлэглэсэн хэргээр огцорлоо. Түүнийг Сонгуулийн хууль зөрчсөн хэмээн буруутгаж буй бөгөөд тэрээр “Би маш их ичиж байна. Ерөнхий сайд Абэ Шинзод огцрох хүсэлтээ өгсөн. Парламентын төсвийн хорооны ажил удаашрах ёсгүй” гээд ард түмнээсээ уучлал хүссэн байна.
Ерөнхий сайд Абэ Шинзо Сугаварагийн огцрох хүсэлтийг хүлээн авснаа, мөн Сугавараг Худалдааны сайдаар томилсондоо хариуцлага хүлээхээ мэдэгдээд, ард түмнээсээ гүнээ уучлал хүсчээ.
