Өмнөд Солонгосын жүжигчин, к-поп од 25 настай дуучин Сулли өнөөдөр гэртээ нас барсан байдалтайгаар олджээ. Түүний менежер бүсгүйг утасны дуудлагад хариу өгөхгүй болохоор нь гэрт нь очиход ийм харамсалтай явдал болсон байжээ. Yonhap агентлагийн дамжуулснаар цагдаа нар ямар нэгэн гадны нөлөөтэй гэх шинж тэмдэггүй байсан гэжээ. Цагдаа нар түүнийг гэрийнх нь хоёрдугаар давхраас олсон бөгөөд гэрээс нь бичиг олсон гэх мэдээлэл байна. Гэхдээ одоогоор ямар утгатай бичиг байсан талаар мэдээлэлгүй байгаа юм.
Сулли багаасаа кино жүжигт тоглодог байсан ба 2009 оноос “f(x)” гэх охидын хамтлагт дуулснаар олны танил болсон байна. 2015 онд хамтлагаасаа гарсан бүсгүй телевизийн шоу нэвтрүүлгүүдэд ажилах болсон аж. Хамгийн сүүлд нэгэн нэвтрүүлэгт орсны дараа сошлоор хүмүүс түүн рүү нэлээн дайралт хийсэн байна. Тиймээс түүнийг амиа хорлосон байж болзошгүй гэх таамаглал байгаа юм.
