Сүнс байдаг, байдаггүй гэх маргаан хэзээд асуулт дагуулсаар нэг тийш босон баталгаатай хариугүй явж ирсэн. Сүнс байдгийг шинжлэх ухаан баталсан, жинг нь тогтоосон гэж яриа байдаг ч угтаа ингэж батлсан хүлээн зөвшөөрсөн зүйлгүй билээ. Сүнсний жин гэсэн ойлголтыг анх 100 гаруй жилийн нэгэн эмч анх гаргасан билээ.
Тодруулбал, 1907 онд Массачусетсийн эмч, мэс засалч Дункан МакДугалл ёс суртахууны хэм хэмжээг зөрчин сүрьегээр амьсгал хурааж буй зургаан өвчтөнийг тусгай жинлэгч бүхий орон дээр тавьж амьсгал хураахад бага зэргийн жингийн ялгаа гарч байгааг ажигласан байна. Тэр жин нь 21 грам хбайсан тул сүнс байдаг, жин нь 21 грамм гэж Дункан МакДугалл эмч үзэж энэ судалгаагаа “Америкийн анагаах ухаан” сэтгүүлд 1907 оны 4-р сард хэвлүүлжээ.
Тэрхүү хэвлэгдсэн судалгаан дээрээс харахад жин дээр тавьсан зургаан өвчтөний зөвхөн 1 нь л унцийн 3/4 буюу 21 грам жин алдсан бөгөөд хоёр өвчтний үхлийн үед алдаанаас болж жин хэмжигдээгүй аж. Мөн 1 өвчтөний жин 14 грам орчим буугаад эргээд хэвэндээ орж, үлдсэн 2 өвчтөн амьсгал хураахад бага хэмжээний жин алдсан ч хэдэн минутын дараа дахин жин нь буусан байна.
Тэрээр 15 нохойг тариагаар хордуулаад үхэх үед нь биеийн жингийн ялгаа ажиглагдахгүй байгааг мөн тогтоож нохой сүнсгүй хэмээх дүгнэлт гаргасан байдаг.
Гэхдээ энэхүү судалгааг хэвлэсэн нь “Америкийн анагаах ухаан” сэтгүүлийн түүхэнд шившиг болон үлдсэн юм. Энэ “судалгааг хэвлэгдсний дараахан Августус Кларк хэмээх эмч “уушгины ажиллагаа зогсож цус хөрөхөө больсны улмаас биеийн температур гэнэт ихэсч бага зэргийн ууршилт явагдсанаар жин алддаг гэдгийг баталж МакДугалл эмчийн сүнсний жингийн тухай судалгаа бурууг нотолжээ. Харин нохойны хувьд биеийн илүүдэл дулааныг хөлрөлтөөр бус, аахилж гадагшлуулдаг тул хордуулж алахад биеийн жин өөрчлөгдөөгүй аж.
МакДугалл эмч ийнхүү судалгаа нь нурсан ч бууж өгөөгүй бөгөөд дараа нь рентгенийг ашиглан сүнсний зураг авна хэмээн судалгаа эхлүүлсэн байдаг. Гэвч мөн л амжилт олоогүй аж. Түүнийг эдгээр судалгааг хийхэдшашны итгэл үнэмшил нөлөөлсөн гэж өдгөө үздэг юм. МакДугалл эмчтэй адил хэдий шинжлэх ухааны талбарт ажиллаж, судалгаа явуулдаг ч өөрийн итгэл үнэмшил нь эрдэм шинжилгээний ажилд нь нөлөөлж нэр хүндийг нь унагахад нөлөөлсөн тохиолдол хэд хэд бий. Үүний дотор сүнс нь тодорхой жинтэй, оюунлаг гэрлэн биет хэмээсэн эрдэмтэд ч багтана.
