АНУ-ын Калифорни муж улсын Лос-Анжелес хотын “Microsoft” театрт “Emmy Awards” наадмын 71 удаагийн шагнал гардуулах ёслол боллоо. “HBO” сувгийн уран бүтээл “Game of Thrones” буюу “Хаадын тоглоом” цуврал кинонд Тирион Ланнистерын дүрийг бүтээсэн Питер Динклаж “Шилдэг эрэгтэй туслах дүр”-ийн шагналыг хүртлээ. Тэрбээр энэ төрөлд найман удаа нэр дэвшиж, 2011, 2015, 2018 онд шагналын эзнээр тодорч байжээ. Мөн тус цуврал кино “Шилдэг драмын цуврал” шагналыг хүртсэн байна.
Зохиолч Жорж Р.Р.Мартины “Гал мөсний дуун” уран зөгнөлт зохиолоос сэдэвлэн бүтээсэн “Game of Thrones” цуврал кино “Шилдэг драмын цуврал” хэмээх шагналыг дөрөв дэх удаагаа хүртэж буй нь энэ бөгөөд өмнө нь 2015, 2016, 2018 онд тус тус хүртэж байсан юм.
