Бага насны хүүхэд гэр хорооллын нүхэн жорлонд унаж харамсалтайгаар амиа алдах тоохиолдол гарах нь бий. Тэгвэл өчигдөр эмээгээ малаа хариулахаар явсан хойгуур нь нэг нас 6 сартай хүүхэд нүхэн жорлонд унасан хэрэг гарчээ. Хүүхэд азаар эсэн мэнд бөгөөд Цэргийн төв эмнэлэгт эмчлүүлж байгаа аж.
Тодруулбал, Хан-Уул дүүргийн 13 дугаар хорооны нутаг дэвсгэрт “Хүүхэд жорлонд унасан байна” гэсэн мэдээлэл есдүгээр сарын 18-ны өдрийн 15:47-д иргэнээс цагдаагийн байгууллагад ирсэн бөгөөд цагдаагийн байгууллагынхан шуурхай очиж хүүхдийг гаргаж эмнэлгийн байгууллагад яаралтай хүргүүлсэн байна. Одоогоор тус хэргийг дүүргийн цагдаагийн газар шалгаж байна.
