Ширээний теннисний гарал үүсэл Англи улсаас гаралтай ч 1981 оноос хойш БНХАУ-ын тамирчид илт давуу амжилт гаргах болсон байна. Ази тамирчдын хувьд европуудтай харьцуулахад богино зайд огцом хурдтай хөдөлгөөн хийх чадвар илүү байдаг нь энэхүү спортод амжилт гаргах гол шалтгаан болжээ. 1955 оны дундуур манай дугуйчид БНХАУ-ын Бээжин хотруу дугуйгаар аялахдаа ширээний теннисний цохиур бөмбөгийг С. Чойвон багш Монгол Улсад анх оруулан ирж өнөөг хүртэл хөгжүүлсэн түүхтэй. 1960 оноос Паралимпийн төрөлд ширээний теннис ордог болсон бол 1988 онд олимпын төрөлд багтдаг болсон байна. Монголын ширээний теннисний үндэсний холбоо үүсэн байгуулагдсаны 60 жилийнхээ ой хүрээнд өсвөрийн ширээний теннисчдийн Азийн Аварга Шалгаруулах 25 дахь удаагийн тэмцээнийг анх удаа эх орондоо зохион байгуулж буй. Буянт-Ухаа Спорт цогцолборт энэ сарын 05-07-ныг хүртэл үргэлжлэх тэмцээнд 17 улсын 250 гаруй баг тамирчид оролцоно.Одоогоор ОУШТХ-д 200 гаруй улсын холбоод гишүүнээр элсчээ.
