Гэмт хэргийн сэжигтнийг Хятадад шилжүүлэн өгөх хуулийн төслийг эсэргүүцэн эхэлсэн Хонгконгийн эсэргүүцлийн жагсаал хоёр сар гаруй үргэлжилж байна. Хонгконгийн Засгийн газар тус хуулийн төслийг түр хойшлуулаад байгаа ч эсэргүүцэгчид төслийг бүр мөсөн зогсоож, Засгийн газрын тэргүүн Керри Ламыг огцрохыг шаардаж буй Жагсаалтай холбоотойгоор олон зуун хүнийг баривчилан хорьсон бол өнөөдөр тус жагсаалын нэр нөлөө бүхий лидерүүдийг баривчилжээ. Хонгконгийн Үндэсний намын үүсгэн байгуулагч, жагсаалын нөлөө бүхий хүн Энди Чан болон тэмцэгч Жошуа Вонг, Агнес Чоу нарыг баривчлаад байна. Эдгээр лидерүүдийг ийнхүү баривчилсан нь маргааш болохоор төлөвлөсөн байсан бүх нийтийн маршийг хойшлуулхаас аргагүйд хүрч байгаа ажээ.
Зургаадугаар сарын 16-нд болсон уг жагсаал тэмцэлд 7.4 сая хүн амтай Хонконгчуудын хоёр сая нь эсэргүүцлийн жагсаалд оролцсон юм.
