“Оросын төмөр замууд” нээлттэй хувьцаат нийгэмлэг “Хараацай” нэртэй жолоочгүй хурдны цахилгаан галт тэргийг анх удаа туршжээ.
Щербинка хотод болсон уг туршилтын үеэр галт тэрэг ослын нөхцөл байдлыг хэрхэн даван туулж байгааг шалгахын тулд зам дээр зориудаар хиймэл хүн тавьсан бөгөөд галт тэрэг хиймэл хүний өмнө автоматаар зогссон байна.
“Уралын зүтгүүрүүд” үйлдвэр /Синара групп болон Siemens компанийн хамтарсан үйлдвэр/ “Оросын төмөр замууд” нийгэмлэгт жолоочгүй ухаалаг систем бүхий анхны галт тэргийг “ зургадугаар сарын сүүлээр хүлээлгэж өгсөн ажээ.
