Эрчим хүчний сайд асан М.Сономпил сайдаар ажиллах байх үедээ Эрчим хүчний яамнаас зарласан худалдан авах ажиллагаа, тендер, “Амгалан” дулааны цахилгаан станц болон уг станцын санхүүжилттэй холбоотой асуудалд холбогдсон учраас АТГ-аас яллагдагчаар татсан.
Нийслэлийн прокурорын газраас түүнд холбогдох хавтаст хэргийг шүүхэд шилжүүлсэн байсан бөгөөд шүүх хуралдааныг Хан-Уул дүүргийн Эрүүгийн хэргийн анхан шатны шүүхэд энэ сарын 24-ны өдөр 11.00 цагт хийхээр товложээ.
М.Сономпилыг Эрүүгийн хуулийн тусгай ангийн 263 дугаар зүйлийн 263.2, Эрүүгийн хуулийн тусгай ангийн 22.4 дүгээр зүйлийн 4 дэх хэсэгт зааснаар Төрийн албан тушаалтан албаны эрх мэдэл буюу албан тушаалын байдлаа урвуулан ашигласан хэмээн буруутгаж буй юм.
