МАН-ын дэргэдэх залуучуудын байгууллага Их хурлаа хийж удирдлагаа сольжээ. Хэд хоногийн өмнө нийслэл, аймгийн салбарын дарга нар Их хурлаа хийх шаардлагыг МАН-ын ерөнхий нарийн бичгийн дарга Д.Амарбаясгаланд өгч байв. Эрх баригч намын залуучуудын байгууллагын сүр хүчийн илтгэн Төрийн ордонд хуралдсан залуус УИХ-ын гишүүн Г.Тэмүүлэнг мөн УИХ-ын гишүүн Н.Учралаар сольжээ.
УИХ-ын гишүүн Н.Учрал НАМЗХ-ны их хурлын төлөөлөгчдийн 100 хувийн саналаар МАН-ын дэргэдэх НАМЗХ-ны Ерөнхийлөгчөөр сонгогдсоноос харвал цэвэр өрсөлдөөн гэхээсээ илүүтэй эртнээс хайрцагласан нь харагдана. Нэгэн цагт рэп дуулж явсан, Хэнтий аймгийн угшилтай Н.Учрал эрх баригч МАН-ын залуучуудын байгууллагыг ийнхүү удирдахаар болжээ.
