Ирэх зургадугаар сарын 11-23-нд ОХУ-ын Якутск хотод зохиогдох эмэгтэйчүүдийн насанд хүрэгчдийн ДАШТ-нд оролцох шилдэг 16 даамчны нэрс тодорлоо. Энэ тэмцээнд Монгол Улсаас Дэлхийн даамын холбооны мастер, 13 настай Энхболдын Хүслэн оролцох юм. Өнгөрсөн жилийн Ази тивийн АШТ-д амжилттай тоглон ДАШТ-ий эрхээ авсан тэрбээр тус тэмцээний хамгийн залуу оролцогч юм. Тэрбээр өмнө нь 2016 онд Турк улсын Измир хотод болсон өсвөр, залуучуудын даамын ДАШТ-ий блиц төрлийн тэмцээний 11 хүртэлх насны охидын ангилалд тэргүүн байр эзэлж Дэлхийн аварга болж байв. Эх орныхоо нэрийг өндөрт өргөж яваа оюуны спортын тамирчиндаа амжилт хүсье.
