ШШГЕГ-ын Хорихоос өөр төрлийн ял эдлүүлэх алба Монгол Улсын багшийн их сургуулийн харьяа Сэтгэл зүйн үйлчилгээний төвтэй хамтран нийслэл дэх ШШГГ-ын Хорихоос өөр төрлийн ял эдлүүлэх ажиллагаа хариуцсан шийдвэр гүйцэтгэгчид болон Баривчлах төв, Согтуурах, мансуурах донтой өвчтэй этгээдийг албадан эмчлэх, албадан хөдөлмөр хийлгэх газрын холбогдох албан хаагчдад “Сургагч багш” бэлтгэх сургалтыг зохион байгуулж байна.
Сургалт 2019 оны 05 дугаар сарын 20-24-ний өдрүүдэд явагдах бөгөөд МУБИС-ийн харьяа Сэтгэл зүйн үйлчилгээний төвөөс мэргэшүүлэх сургалтын хүрээнд алба хаагчдад заах арга зүй, бие хүний сэтгэл зүйн болон насны онцлог, хүчирхийлэл үйлдэгчийн зан үйлийг хэрхэн зохицуулах зэрэг сэдвээр 32 цаг буюу 2 багц цагийн сургалт явуулж, “Сургагч багш”-ийн гэрчилгээ олгох юм.
Албан хаагчид энэхүү сургалтад хамрагдсанаар зан үйлээ засах албадлагын арга хэмжээ авагдсан этгээдийн зан үйлд нөлөөлөх сургалт зохион байгуулах эрхтэй болох юм.
Сургагч багшийн эрх олгох мэргэшүүлэх сургалт явуулж байна
