Хөвсгөл аймгийн Рашаант сумын Цэнгэл багт тус сумын харьяат иргэн Б-гийн охин Х 11 настай, эмэгтэй ерөнхий боловсролын сургуулийн сурагчдын дотуур байрнаас 4 сарын 30-ны өдрийн 19 цагийн орчимд гараад одоо болтол сураггүй байна.
Тус сум дахь Цагдаагийн хэсгийн төлөөлөгчөөр ахлуулсан орон нутгийн 80 иргэн явганаар 4 сарын 30-ны өдрийн 21 цагаас эхлэн 5 сарын 1-ний өдрийн 21 цагийн хооронд эрэн хайх ажиллагааг зохион байгуулсан боловч үр дүнд хүрээгүй байна. Тус аймгийн Онцгой байдлын газрын 7 алба хаагч, аймгийн Цагдаагийн газрын 7 алба хаагч, нутгийн иргэдийн хамт Рашаант суманд эрэн хайх ажиллагааг зохион байгуулж байна. Энэ охиныг үзсэн харсан хүн байвал 9831-0947 8989-5765 утсаар яаралтай холбогдоно уу?
