Эх орныхоо бахархал болсон уран бүтээлчдийн нэг дуурийн дуучин Ч.Бадрал. Тэрбээр олон улсын уралдаанаас дахин нэг ГРАН ПРИ шагнал өвөртлөн иржээ.
Энэ сарын 19-23-нд ОХУ-ын Якутскд анх удаагаа зохион байгуулагдсан олон улсын дуурийн дуучдын уралдаанд ЦДБЭЧ-ын гоцлооч, одооогоор
Итали Улсын томоохон театрт гэрээгээр ажиллаж буй Ч.Бадрал нь урилгаар оролцон бахдам амжилт үзүүлсэн байна.
Сонирхуулахад тэрбээр өнгөрсөн хоёрдугаар сард Италийн алдарт ЛА СКАЛА театрт Монгол Улсаас анх удаагаа уран бүтээлээрээ ажилласан авьяаслаг дуучин юм.
Уралдаанд 10 орны дуучин оролцсоноос ДБЭТ-ын төлөөлөл болон Монгол Улсын гавьяат жүжигчин, концертмейстер Б.Солонго тэргүүтэй дуурийн залуу дуучин С.Бат-Эрдэнэ, Г.Энхнаран, Э.Мөнхтөр нар оролцсон аж.
Э.Мөнхтөрийн хувьд хоёрдугаар байрт шалгарсан бол С.Бат-Эрдэнэ тусгай байр эзэлжээ.
Э.Мөнхтөр дэлхийн шилдэг 20 дуучны нэг болон шалгарч, ирэх зургадугаар сард Англи Улсад болох дэлхийн дуучдын Кардиффын уралдаанд эх орноо төлөөлөн оролцох юм.
