Өнөө өглөө 100 айл орчимд нэгэн эрэгтэй буудуулан нас барсан харамсалтай хэрэг гарчээ. Тодруулбал, Зуун айлын автобусны ойролцоох “Нарлаг зоог”-гийн газрын өмнө 40 орчим насны эрэгтэй толгойдоо буудуулж нас барсан байна. Өглөөний 07:00 цагийн орчим толгойдоо шархтай хүн нас барсан гэх дуудлага шуурхай удирдлагын төвд ирсэн бөгөөд сэжигтнийг цагдаа нар эрэн сурвалжилж эхэлжээ. Тус хэргийг Сүхбаатар дүүргийн цагдаагийн II хэлтэс шалгаж байна.
Талийгаачийн цогцосыг Шүүхийн шинжилгээний үндэсний хүрээлэнд хүргүүлсэн бөгөөд зарим эх сурвалж өөрийгөө буудсан байж болзошгүй гэж мэдээллээ.
