Шоумен, жүжигчин Владимир Зеленский ням гарагт болсон Украины Ерөнхийлөгчийн сонгуулийн сүүлийн шатанд үнэмлэхүй ялалт байгуулж, ард түмнийхээ 70 гаруй хувийн саналыг авч чаджээ. Сонгуулийн энэ дүн Украйны ард түмэн улстөрчдийн хээл хахууль, олигархиудиас салахын мөн болсоны илрэл гэж ажиглагчид дүгнэж байна. Одоогийн Ерөнхийлөгч Прошенко санал хураалтын 25 хувийн санал авчээ.
В.Зеленский сонгуульд нэр дэвшихээс жилий өмнө “Слуга народа” гэж олон ангит цуврал кино бүтээж, жирийн дунд сургуулийн түүхийн багш ард түмний дэмжлэгээр ерөнхийлөгчөөр сонгогдож байгаа дүрд тоглосон юм. Энэ нь кино түүний сонгуульд нэр дэвших сууриа бэлдсэн анхны алхам байсан гэж зарим ажиглагчид дүгнэж байна.
Зеленский өпгөө 41 настай бөгөөд сонгогдсон тохиолдолд ерөнхийлөгчийн сонгуульд дахин өрсөлдөхгүй гэдгээ сонгуулиас өмнө зарласан юм.
Зеленскийгийн аав профессор, ээж нь инженер бөгөөд тэрээр эдийн засгийн мэргэжлээр “Kryvyi Rih” эдийн засгийн институтийг дүүргэж дараа нь хуулийн чиглэлээр суралцжээ. Гэхдээ мэргэжлээрээ ажиллахын оронд жүжигчний карьераа эхлүүлж, энтертайнмэнт чиглэлээр дагнах болсон байна.
