Боловсрол, соёл шинжлэх ухаан, спортын сайд Ё.Баатарбилэгийн хэвлэлд өгсөн ярилцлагын дагуу Монголын архитекторууд сайдад хандан мэдэгдэл гаргажээ. Тодруулбал, сайд ярилцлагадаа хотын төвд байрлалтай ашиглалтын шаардлага хангахгүй болсон музейнүүдээ Төрийн өмчийн газар руу шилжүүлж, дуудлага худалдаанд оруулаад олсон санхүүжилтээрээ шинэ музейн барилга бариулахаар төлөвлөж буйгаа дурдсан нь архиьекторуудыг ийн мэдэгдэл гаргахад хүргэсэн байна. Тэд ашиглалтын шаардлага хангахгүй гэгдэж буй музейн барилгууд улс, нийслэлийн хамгаалалтад байдаг, соёлын өвийн бүртгэл мэдээллийн сан, Монголын архитекторуудын өвд бүртгэгдсэн хосгүй үнэт, дусгалт барилгууд гэдгийг мэдэгдэлдээ сайдад анхааруулжээ.
