Саудын Арабын хаан Абдулахын нэрэмжит олон улсын ардын урлагийн “World folk vision” буюу Олон улсын ардын урлагийн наадмаас Монгол Улсын гавьяат жүжигчин, уртын дуучин С.Цогтсайхан Гран при шагнал хүртжээ.
Уг наадамд дэлхийн 100 гаруй орны уран бүтээлчид оролцсон бөгөөд наадамд найман төрлөөр Гран при шагнал олгосны хоёр төрөлд нь Монгол улсаас уртын дуучин С.Цогтсайхан “Этно хит” шагнал, Монгол костюмсын хамт олны урласан үндэсний хувцас “Этно файшн” номинациар Гран при шагнал хүртжээ.
Саудын Арабын нийслэл Рияд хотноо энэ сарын 9-нөөс 19-ний өдрүүдэд зохион байгуулсан Олон улсын ардын урлагийн наадамд эх орноо төлөөлөн Монголын Үндэсний урлагийн их театрын уран бүтээлч уртын дуучин С. Цогтсайхан, уран нугараач н.Дашдэжид, Монгол костюмс төвийн хамт олон, Урлах эрдмийн дээд сургууль, тамирчин болон бөхчүүд оролцсон байна.
