Монгол HD телевизийн “Шарк Танк” нэвтрүүлгээс 250 сая төгрөгийн санхүүжилт авч улмаар “UBIKE” төслийг хэрэгжүүлэх консерциумд багтаж олны танил болсон Никель Ганбаа буюу Г.Дашням хар тамхины хэргээр шалгагдаж байна. Тодруулбал, энэ сарын 13-ны оройн 19:00 цагийн орчимд хүүхдийн 100-р дэлгүүрийн орчимд цагаан өнгийн тоёота приус маркын автомашинтай Г.Дашням нарын гурван иргэнийг саатуулан шалгахад, хар тамхи сэтгэцэд нөлөөлөх ургамал өвс хэрэглэсэн байж болзошгүй тохиолдол илэрсэн байна.
Шалгалтаар сэжигтнүүдийн автомашинаас хар тамхи илрүүлж, нотлох баримтаар хавсарган авсан бөгөөд хурааж авсан ургамлаа Шүүхийн шинжилгээний үндэсний хүрээлэнд илгээсэн байна. Сэжигтнүүдээс биологийн дээж авч шинжилгээнд өгөхөд гурван этгээд каннабисын төрлийн хар тамхи татаж байсан нь тогтоогдсон байна. Хэргийг Сүхбаатар дүүргийн цагдаагийн нэгдүгээр хэлтэст хэргийг үргэлжлүүлэн шалгаж байна.
