БНАСАУ цөмийн зэвсгээсээ бүрэн татгалзахад бэлэн гэв

Өнгөрсөн сарын сүүлчээр Вьетнамд болсон АНУ, БНАСАУ-ын хоёр өдрийн дээд хэмжээний уулзалт тодорхой үр дүнд хүрэлгүй өндөрлөсөн. Тэгвэл БНАСАУ талаас цөмийн зэвсэггүй болох амлалтаа биелүүлэн, АНУ-тай хэлэлцээрээ үргэлжлүүлэхэд бэлэн байгаагаа илэрхийлсэн байр сууриа мэдээллийн хэрэгслээр дамжуулан илэрхийллээ. Тодруулбал, БНАСАУ-ын “Уриминжоккири” сайтад “Бүрэн цөмийн зэвсэггүй болох зам бол манай эргэлт буцалтгүй байр суурь” нэртэй нийтлэл гарсан  бөгөөд үүндээ хойдууд цөмийн зэвсгээсээ бүр мөсөн татгалзаж энх тайвныг бий болгох, АНУ-тай шинэ харилцаа  тогтоох байр суурьтай байгаагаа илэрхийлсэн байна.