Улсын нэгдүгээр төв эмнэлгийн Элэг шилжүүлэн суулгах баг анх 2011 оны есдүгээр сарын 24-ний өдөр “АСАН” анагаах ухааны төвтэй хамтран элэг шилжүүлэн суулгах анхны мэс заслыг хийж байжээ. Харин өнөөдрийн байдлаар 68 дахь мэс заслаа бие даан амжилттай хийгээд байна. Хамгийн сүүлд Олон улсын эмэгтэйчүүдийн эрхийг хамгаалах өдрийн өмнө хагалгаа хийсэн бөгөөд амжилттай болжээ.
2019 оны байдлаар нийт таван удаа элэг шилжүүлэн суулгах мэс засал хийснээс дөрөв нь амьд донороос элэг шилжүүлэн суулгах мэс засал, нэг тархины үхэлтэй донороос элэг шилжүүлэн суулгах мэс засал хийжээ.
Элэг шилжүүлэн суулгах багийн хамт олонд салбарын сайд Д.Сарангэрэл тусгайлан баяр хүргэсэн байна. 
