АНУ, БНАСАУ-ын удирдагч нарын Вьетнамд хийсэн хоёр дахь удаагийн уулзалтын үр дүнг дэлхий нийтээр сонирхон хүлээж байсан ч тэд тохиролцоонд хүрч чадсангүй. Хоёр улсын тэргүүн нарын ярилцлага хагас цаг хиртэй болсны дараа уулзалт өргөтгөсөн хэлбэрээр үргэлжилсэ бөгөөд үүний дараа АНУ-ын болон Умард Солонгосын удирдагч нар эцсийн баримтат гарын үсэг зурах ёслол болох байв. Гэвч Дональд Трамп, Ким Жон Ун нар уулзалтын газрыг хугацаанаасаа өмнө орхин явж, төлөвлөгөөт хамтын өдрийн зоогоо ч барьсангүй.
Энэ талаар АНУ-ын талаас хийсэн хэвлэлийн хурал дээр Доналд Трамп, Хойд Солонгос цөмийн зэвсгээс ангижрах сонирхолтой хэвээр байгаа. Гэвч бидний зүгээс БНАСАУ-ын бүх нөхцөлийг хүлээн зөвшөөрөх боломжгүй. Кимийн зорилго, алсын хараа биднийхтэй таараагүй гэж хэлжээ. Тодруулбал, өөрсдийнх нь эсрэг авч буй хориг арга хэмжээг цуцлах талаарх БНАСАУ -ын БНАСАУ Йонбены цөмийн байгууламжийг татан буулгаснаар хориг арга хэмжээг бүхэлд нь цуцлахыг хүссэн ч Вашингтон үүнийг хүлээж аваагүй байна. “Энэ удаагийн уулзалтаар ямар нэгэн хэлэлцээрт хүрч чадаагүй” гэж Цагаан ордноос мэдээлэв. Тэд хоёр орны удирдагч дараа дахин уулзаж хэлэлцээр хийх эсэх талаар ямар нэгэн мэдээлэл өгсөнгүй.
Гэхдээ уулзалт маш үр дүнтэй болж, нөхөрсөг уур амьсгалд өнгөрсөн талаар Дональд Трамп онцолсон бол БНАСАУ “хоёр талын харилцааг улам сайжруулах” талаар үргэлжлүүлэн хэлэлцэх үр дүнд хүрлээ гэж мэдэгджээ. “Хэлэлцээр нь Солонгосын хойг дахь зөрчилдөөнийг багасгаж, энх тайвныг хөхүүлэн дэмжих, хоёр орны хоорондох олон арван жилийн хугацаанд үргэлжилсэн дайсагналыг зогсоож харилцан итгэлцлийг бий болгох зорилготой байв” гэж Солонгосын Цахилгаан мэдээллийн агентлаг бичжээ.
