“Голомт”-ын Д.Баясгаланг хилээр нэвтрэхийг хориглох санал шүүхэд иржээ

Улсын Ерөнхий прокурор асан Д.Дорлигжавын хэрэгт холбогдуулан 72 цаг Цагдан хорих 361 дүгээр ангид хоригдсон “Голомт” банкны ТУЗ-ийн дарга Д.Баясгалан Хан-Уул дүүргийн Ерөнхий шүүгчид эсэргүүцэл бичсэнээр суллагдсан билээ. Тэгвэл түүнийг улсын хилээр нэвтрэхийг хориглохыг хүссэн саналыг нийслэлийн Прокуророос гаргажээ. Тодруулбал, Хан-уул дүүргийн Эрүүгийн хэргийн анхан шатны шүүхэд энэ сарын 30-ны өдөр нийслэлийн Прокурорын газраас Д.Баясгаланд Монгол Улсын хилээр гарахыг хязгаарлах таслан сэргийлэх арга хэмжээ авахуулах санал хүргүүлсэн байна.