Эрүүл мэндийн үйлчилгээ үзүүлэх шалгалтын сорилыг нээлттэй болгов

Энэ жил анагаах ухааны боловсрол олгох 12 их, дээд сургуулийг  3171 оюутан төгсөж ард иргэдийнхээ энхийн манаанд зогсохоор тангаргаа өргөх гэж байна. Төгсөгчид ажлын байранд гарч эрүүл мэндийн тусламж үйлчилгээ үзүүлэхийн тулд   Мэргэжлийн үйл ажиллагаа эрхлэх  зөвшөөрлийн шалгалт өгдөг бөгөөд энэхүү үйл ажиллагааг Эрүүл мэндийн хөгжлийн төв зохион байгуулдаг.

Энэ жилийн хувьд мэргэжлийн үйл ажиллагаа эрхлэх зөвшөөрлийн шалгалтын сорилыг вэб сайт дээр байршуулан нээлттэй болгож шалгалт өгөх оюутан бүр орж танилцан,  шалгалтандаа бэлтгэх боломжийг бүрдүүлж байна. Ийнхүү шалгалтын сорил нээлттэй, цахим хэлбэрээр харах боломжтой болсноор оюутнуудад шалгалтад бэлтгэхэд ач холбогдолтой төдийгүй тодорхойгүй байдлыг хална гэж үзэж байна.

ЭМХТ-өөс төгсөгчдийн мэргэжлийн үйл ажиллагаа эрхлэх зөвшөөрлийн шалгалтын бэлтгэл ажил,  цаашид хамтран ажиллах чиглэлийн талаар анагаах ухааны боловсрол олгодог их дээд сургуулиудийн удирдлагуудтай уулзалт зохион байгуулж дээрх өөрчлөлтийг танилцуулсан бөгөөд сургуулийн захиргаа болон оюутнууд энэ арга хэмжээнд ихээхэн сэтгэл ханамжтай байгаа аж.

ЭМХТ-ийн Ерөнхий захирал Д.Ганцэцэг зөвшөөрлийн шалгалтын зохион байгуулалтыг ил тод, нээлттэй болгож, элдэв дарамтыг үгүй хийн, тодорхой, тэгш байдлыг ханган ажиллахаа уулзалтад ирсэн  сургуулийн удирдлагуудад хэллээ.

Энэхүү шалгалтын сорилыг тус төвийн www.hdc.gov.mn  сайтаар орж харах боломжтой юм байна.

spot_img

Их уншсан

Холбоотой мэдээ
бусад мэдээ

Юн Сук Ёол: Та бүхний хүлээлтэд хүрч чадаагүйдээ харамсаж байна

Өмнөд Солонгосын дээд шүүх өнгөрсөн арванхоёрдугаар сард онц байдал...

Онлайн худалдаагаар залилуулсан иргэдийн тоо нэмэгдсээр байна‼️

Онлайн худалдаа өргөжиж байгаа энэ үед иргэдийн эрэлт хэрэгцээнд...

Батлан хамгаалах яам, Шинжлэх ухааны академитай хамтран ажиллана

Батлан хамгаалах яам, Шинжлэх ухааны академи хоорондын хамтран ажиллах...

Т.Мөнхсайхан: Эмч нарын бие, нэр хүндэд халддаг байдлыг хуулиар зохицуулдаг болно

Эрүүл мэндийн сайд Т.Мөнхсайхан эрүүл мэндийн салбарт хийгдэж буй...