БСШУСЯ ШУТИС-тай хамтран Инновацийн 7 хоног цуврал нэгдсэн арга хэмжээг зохион байгуулах гэж буй. Ирэх даваа гарагт эхлэх тус арга хэмжээ Аж үйлдвэрийн дөрөвдүгээр хувьсгалын үе ба Монгол Улсын хөгжлийн асуудлууд эрдэм шинжилгээ, онол практикийн бага хурлаар эхлэх аж. Энэхүү хурлын гол зорилго нь Аж үйлдвэрийн 4 дүгээр хувьсгалын үеийн Монгол Улсын үндсэн хөгжлийн асуудлуудыг төр-шинжлэх ухаан-бизнесийн хамтын ажиллагааны хүрээнд хэлэлцэн, арга замуудыг судлан тодорхойлоход оршиж байгаа юм.
Энэ үеэр 11 үндсэн илтгэл тавигдана. Тухайлбал, Аж үйлдвэрийн 4 дэх хувьсгалыг уул уурхай яаж угтах вэ, XXI зууны боловсрол, хөдөө аж ахуйн хөгжлийн асуудлууд, Мэдээлэл холбооны технологи аж үйлдвэрийн 4 дүгээр хувьсгалын хөдөлгөгч хүч болох нь, Ирээдүйн эрүүл мэндийн тусламж үйлчилгээг хэн үзүүлэх вэ. Хүн үү робот уу гэсэн сэдэвт илгэлүүд тавигдана. Мөн Аж үйлдвэрийн 4 дүгээр хувьсгалын талаарх зарим улс орнуудын бодлого, туршлагагуудаас танилцуулга хийх юм байна.
Технологийн 4-р хувьсгал гэж юуг хэлээд байна, ямаршуу өөрчлөлтүүд бий болох вэ, сүүлийн жилүүдэд бидний амьдралд нэвтрэн орж ирж буй аж үйлдвэрлэлийн 4-р хувьсгалд бид бэлэн байна уу зэрэг салбар салбарын сонирхол татсан мэдээллүүдийг энэхүү хурлын илтгэлүүдээс сонсох боломжтой юм.
