Твиттер компани хэрэглэгчиддээ аккаунтынхаа нууц үгийг солихыг зөвлөжээ. Учир нь систем дэх алдаанаас болж хэрэглэгчдийн нууц үгийг нууцлалгүйгээр, шууд харагдахуйхаар дотоод системд хадгалж байсныг твиттерийнхэн саяхан мэдсэн байна. Угтаа хэрэглэгчдийнхээ нууц үгийг санамсаргүй сонгосон үсэг, тооны цуглуулга болгон хадгалах ёстой бөгөөд ингэснээр компанийн ямар ч ажилтан нууц үгийг тайлах аргагүй юм. Одоо бол таны нууц үгийг хэн ч мэдэх аргагүйгээр кодлон дотоод серверт хадгалсан гэдгээ тэд дуулгаад гэхдээ ингэж нууцлал хийгдэхээс ямар нэгэн байдлаар нууц үг алдагдсан гэх баталгаа үгүй учир ийнхүү нууц үгээ солих сэрэмжлүүлэг гаргасан аж. Мөн хоёр дамжлагаар нэвтрэх илүү сайн нууцлал бүхий нууц үг сонгохыг зөвлөлөө.
Одоогоор тэдэнд нууц үг алдагдсан тухай гомдол ирээгүй байна.
