Монголын хүнсчдийн холбооны VI их хурлаас сонгогдсон бага хурал болон удирдах зөвлөл нь өнөөдөр Төрийн ордонд (2018.05.04) хамтарч хуралдлаа.
Энэхүү хуралдаанаар VII их хурлын бэлтгэл хангах асуудлыг авч хэлэлцсэн. Мөн холбооны 2014-2017 оны үйл ажиллагааны тайлан, цаашдын зорилт, холбооны дүрэмд оруулах нэмэлт, өөрчлөлтийн төслийг танилцуулж, гишүүдээсээ саналыг нь авлаа.
Хуралдаанаар мөн VII их хурлыг ирэх зургаадугаар сарын 8-нд хуралдуулахаар тов гаргасан.
Монголын хүнсчдийн холбооны ерөнхийлөгч, Улсын Их Хурлын гишүүн Д.Тэрбишдагва хуралдааныг удирдаж, улс орны эдийн засгийн нөхцөл байдалтай холбогдуулан гишүүддээ мэдээлэл өгч, санал бодлыг нь сонссон төдийгүй гишүүд ч тулгамдаж байгаа асуудлын талаар ярилцаж, гарц шийдлийг эрэлхийлэх талаар саналаа хэлсэн юм.