АНУ-ын иргэн, 22 настай оюутан Отто Уормбир БНАСАУ-д аялж явахдаа зочид буудлын ханан дээрээс ухуулга хуудас урж авсан хэмээн буруутгагдаж 15 жил хөдөлмөрийн лагерьт ажиллах ял авсан. Тэгвэл өнгөрсөн долоо хоногт АНУ-ын цэргийн онгоцоор төрсөн хот Цинциннатид ирсэн Отто Уормбир өнгөрсөн шөнө нас баржээ. Түүнийг нутагт нь авчирсан даруйд нь эмнэлэгт хүргэн, эмчилж байсан ч ийнхүү ухаан оролгүй байсаар нас баржээ. Оттод ил харагдах бие эрхтний гэмтэл байхгүй байсан бөгөөд тархи, сэтгэцийн гэмтэлтэй байх магадлалтай гэж эмч нар үзсэн юм.
Уормбир зочид буудлын хананд өлгөөтэй байсан ухуулгын хуудсыг хуулж хаяснаа шүүх хурлын үеэр хүлээн зөвшөөрч ухуулгын хуудсыг өөрийн мөргөл үйлддэг сүмийнхний хүсэлтээр хуулж авсан, ийм ухуулах хуудас авчирбал 10 мянган ам.долларын үнэтэй хэрэглэж байсан машинаар солихоор тохирсон гэж хэлсэн байдаг.
Талийгаачийн БНАСАУ-д хийсэн амьдралынхаа сүүлчийн аяллын үеэр авахуулсан зургуудыг http://www.dailymail.co.uk сайт дэлгэжээ.
Дашрамд дурдахад БНАСАУ-д жилд АНУ-ын 800 гаруй иргэн аялдаг байсан бол дээрх харам
салтай хэргээс болж энэ тоо огцом буурахаар болоод байгаа юм.
