Энхтайваны өргөн чөлөө дагуух автозамын карма буюу зогсоолыг нийслэлийн зүгээс хааж машин зогсоох боломжгүй болгосон. Энэ шийдвэрт иргэд бухимдалтай хандаж байгаа. Тэгвэл ямар учраас ийм шийдвэр гаргах болсон талаар НЗДТГ-ын хэвлэлийн албанаас тайлбар өглөө. Хэвлэлийн төлөөлөгч Н.Сугарын хэлснээр Энхтайваны өргөн чөлөө дагуух нэгдүгээр эгнээний эдгээр карма нь нийслэлийн 30 хувь нь зорчдог ачаалалтай замаар явж буй тээврийн хэрэгслийн хөдөлгөөнд саад учруулдаг гэж мэргэжлийнхэн үзжээ. Давхардуулж автомашинаа зогсоодгоос хөдөлгөөнд 25-30 хувь саад учруулдаг. Эдгээр зогсоол бодит байдал дээрээ иргэдэд тийм хэрэгтэй биш. Тухайн газар орчмын албан байгууллага, оршин суугчид өглөө эрт автошинаа тавиад өдөржин өнжөөдөг. Зогсоолын хувьд сэлгэлтгүй байдаг, зогсоолын ачааллаас хуваалцах үр нөлөө байхгүй учир хаасан гэсэн тайлбарыг өглөө.
© 2017-2023 Copyrights БҮХ ЭРХ ХУУЛИАР ХАМГААЛАГДСАН