Ромын хамба лам Франциск даваа гарагт дэлхий даяар тээгч эхийг хориглохыг уриалж, эмэгтэй хүн өөр хүний хүүхдийг тээж байгаа нь “харамсалтай хэрэг” гэж мэдэгджээ. 87 настай пап Ватикан дахь дипломатчдад хандан шинэ жилийн мэндчилгээ дэвшүүлэхдээ энэ талаар дурдсан бөгөөд энэ нь эмэгтэйн төдийгүй хүүхдийн нэр төрд ноцтойгоор халдсан явдал гэж үзэж буйгаа мэдэгдлээ.
“Энх тайванд хүрэх зам нь амьдралыг хүндэтгэхийг шаарддаг.” Энэ нь “эхийн хэвлийд байгаа нярайн амьдралаас эхэлдэг бөгөөд үүнийг хүчээр нөлөөлж эсвэл хүний наймааны объект болгож болохгүй” гэж тэр хэлэв. “Хүүхэд бол үргэлж бэлэг бөгөөд арилжааны гэрээний үндэс болох учиргүй. Иймд олон улсын хамтын нийгэмлэгүүд энэ үйлдлийг бүх нийтээр хориглох хүчин чармайлт гаргана гэдэгт найдаж байгаагаа илэрхийлж байна гэж пап хэллээ.
Ромын пап анх 2022 оны 6-р сард тээгч эхийг “хүнлэг бус” зан үйл гэж буруушааж байсан бөгөөд ийнхүү дахин шүүмжилсэн нь энэ юм.
Бельги, Нидерланд, Их Британи, Канад, Бразил, Колумб зэрэг оронд санхүүгийн зорилготойгоор биш мөнгө авалгүйгээр өөр эмэгтэй эсвэл хосын нэрийн өмнөөс хүүхдийг нь тээхийг хуулиар зөвшөөрдөг байна.
