Хонконгийн цагдаа нар 26 настай Монгол залууг метроны буудал дээр харааны бэрхшээлтэй өндөр настанг дээрэмдсэн байж болзошгүй хэмээн баривчилжээ. Тус хотын Зүүн дүүргийн байцаагч Жулиан Леунг хэлэхдээ, уг этгээдийг Fortress Hill MTR буудал дээр 67 настай хараагүй эрийг дээрэмдэхээс хэдхэн цагийн өмнө нэгэн дэлгүүрээс нэг лааз шар айраг, хэдэн шоколад хулгайлсан хэрэгт давхар сэжиглэж байгаа ажээ. Сэжигтэн нь тус хотод оршин суухыг зөвшөөрсөн түр үнэмлэхтэй, 26 настай эрэгтэй гэж цагдаагаас мэдээлэв. Сэжигтэн хохирогчийн гар утас, 3500 хонконг доллар (448 ам. доллар) бүхий цүнхийг 10.30 цагийн үед хулгайлсан нь камерын бичлэгт үлдсэн байна.
Цагдаагийнхан сэжигтнийг эрэн сурвалжилж, ням гарагт гэрт нь дээрэм, хулгайн хэрэгт сэжиглэн саатуулжээ. Хонконгод хулгайг 10 жил хүртэл хугацаагаатай хорих ялаар шийтгэдэг байна.
