Хэнтий аймгийн Бор-Өндөр суманд цасан шуурганаар төөрсөн хоёр иргэнийг эрэн хайх ажиллагаа үргэлжилж байгаа талаар Онцгой байдлын байгууллагаас мэдээллээ. Тодруулбал, Хэнтий аймгийн Өндөрхаан сумаас Бор-Өндөр сумын чиглэлд өчигдрийн 15:00-16:00 цагийн орчимд суудлын автомашинтай зорчиж явсан хоёр иргэн сураггүй болжээ. Үүнтэй холбоотойгоор Бор-Өндөр сум дахь Онцгой байдлын хэлтсийн алба хаагчид эрэн хайх ажиллагааг 01:25 цагаас эхлүүлсэн байна.
Арванхоёрдугаар сарын 7-нд баруун болон төвийн аймгуудын нутгаар, 8-нд зүүн хэсгээр цас орж, цасан шуурга шуурч, ихэнх нутгаар нэмж хүйтрэхийг Цаг уурын байгууллагаас анхаарууллаа.
