Агаарын чанар хэмжигчүүдээс авсан мэдээллээр даваа гарагийн 11:00 цагийн байдлаар гаргасан агаарын чанарын мэдээгээр Баянхошуу орчимд агаар маш их бохирдолтой байна. Агаарын бохирдлын тоосонцрууд болох PM2.5 болон PM10-ийн хэмжээ 465 буюу маш их бохирдолтой гэж заажээ. Баянхошуу орчмоор өнөөдөр -5 градус хүйтэн, 0.6м/с-ийн салхитай байгаа юм. Агаарын чанар муу үед хамгийн түрүүнд стандартын шаардлага хангасан амны хаалт зүүх нь эрүүл мэндэд тустай.
Дамбадаржаа, Хайлааст, 5 буудал орчмын агаар бохирдолтой байна. Бохирдолтой гэж зааж буй үед хүний эрүүл мэндэд сөрөг нөлөөлөл илэрч эхэлдэг. Хэт мэдрэг хүмүүсийн эрүүл мэндэд уг сөрөг нөлөөлөл нь хүндээр илэрдэг гэдгийг мэргэжилтнүүд хэлдэг. Хүн бүр гадаа биеийн хүч шаардсан ямар ч төрлийн ажил хийхээс зайлсхийх гэртээ байх хэрэгтэй. Архаг хууч өвчтэй хүмүүс даралтаа тогтмол хянах, эмчийн хяналтад байж эмийг хугацаанд нь уух шаардлагатай. Нүүрстөрөгчийн дутуу исэл их хэмжээгээр гаргадаг эх үүсвэр (тухайлбал автозам)-ээс хол байх хэрэгтэйг зөвлөсөн байдаг. 
