Дэлхийн шилдэг холимог тулааны холбоодын нэг “One Championship”-ээс З.Шинэчагтагын ээлжит тулааны товыг зарлажээ. Өдгөө 27 настай тэрбээр ирэх оны нэгдүгээр сарын 13-ны өдөр Квон Вон Ильтэй тулалдахаар болжээ. З.Шинэчагтага хамгийн сүүлд энэ оны есдүгээр сарын 22-ны өдөр Руи Чэнтэй тулалдан ялалт байгуулсан. Түүний хувьд “ONE Championship”-д нийтдээ есөн тулаан хийснээс зургаад нь ялжээ.
Харин “Хөөрхөн хүү” хочит 28 настай Солонгос залуугийн тухайд замналдаа 16 тулаан хийснээс 12-т нь ялсан байдаг. Сүүлд 2023 оны зургадугаар сарын 09-ний өдөр Артём Белахтай тулалдаж, хүнд цохилтоор өрсөлдөгчөө унагажээ.
