Б.Энхбаяр: Aвлигын гэмт хэрэг үйлдсэн хүмүүсийг магадлангаар суллахгүй гэдгийг Д.Мөнх-Эрдэнэтэй холбож ойлгох хэрэггүй

УИХ-ын чуулганы өнөөдрийн нэгдсэн хураддаанаар Эрүүгийн хэрэг хянан шийдвэрлэх тухай хуулийн төслийг хэлэлцлээ. Энэ үеэр Хууль зүй, дотоод хэргийн сайд Б.Энхбаяр  “Aвлигын гэмт хэрэг үйлдсэн хүмүүсийг магадлангаар суллахгүй гэдгийг Д.Мөнх-Эрдэнэд зориулсан гэж Ардчилсан намынхан ойлгоод, би суллагдахгүй боллоо гэж улс төр хийгээд байгааг ойлгохгүй юм. Хуулийг буцаан хэрэглэхгүй. Эрүүгийн хууль батлагдсан өдрөөс хойш үйлдэгдсэн хэрэгт үйлчилнэ. Маш тодорхой хэлбэл доо хорих ял эдэлж байгаа хүмүүст үйлчлэхгүй. Энэ зарчмаа ойлгохгүй байна. Авлигатай тэмцье, авлига, албан тушаалын гэмт хэрэгт хатуу байя гээд байгаа биз дээ. Тэгсэн хэрнээ манай Д.Мөнх-Эрдэнийг суллахгүй гэдэг хууль оруулж ирлээ гэх. Хуулийг хэн нэгэнд зориулаад баталдаг, санаачилдаг юм биш” гэлээ.