АН-ын дарга Л.Гантөмөр цаг үеийн асуудлаар байр сууриа илэрхийллээ. Тэрбээр “Төрийн дарамтгүй, өрийн дарамтгүй монгол төр байх ёстой. Энэ хүрээнд бид 330 сум 204 хороон дээр үндэсний хэлэлцүүлэг хийж байна. Бид гишүүдээ хаваржингаа сонссон. Гишүүдийн зүгээс нэгдүгээрт, эв нэгдлээ хангахыг хүссэн. Хоёрдугаарт, хяналтын үүргээ тодорхой болгох. Гуравдугаарт цаашдын гарц гаргалгааг тодорхой болгохыг хэлсэн.Бид оноос өмнө эв нэгдлийн асуудлаа шийдэж, нам бүрэн бүтэц бүрэлдэхүүнтэй болно.
Намын асуудлаа дотооддоо шийднэ. Хамгийн чухал асуудал бол монгол хүний амьдралын чанар. Бизнес эрхлэгчид ажлаа явуулах гээд зээл авах гэхээр хүүг нь дийлэхгүй, цалингийн зээл авах гэхээр бас л хүү хэт өндөр байна гэдгийг бүсүүдийн эдийн засгийн чуулганаар хэлж байсан. Тэгэхээр өрийн дарамтыг алга болох нь нэгдүгээр ажил. Үүнийг ажил хэрэг болгохын тулд үндэсний хэмжээнд хэлэлцэж байна. Өнөөдөр найман жил төрийн эрх барьсан хүмүүстэй хэрэлдэж, зодолдохоос илүү чухал зүйл бий. Бидний парламентад байгаа хүчийг иргэд мэдж байгаа. 10-хан саналтай. Нэг удаа л завсарлага авах эрхтэй.
Эрх баригчдын хийж байгаа буруу зүйлсийг зогсоох боломж алга байна. Хамгийн гол нь бид эрх сонгуульд амжилттай оролцож байж эд нарын найман жил хийсэн алдааг засах хэрэг гарах нь. Хамгийн гол хүндрэл үүсгэж байгаа зүйл бол төсөв. АН хамгийн эхлээд төсвийг хямгадна. Дарга нарын зардлыг бууруулж төсөв хэмнэх шаардлагатай. Ингэснээр нөгөө талдаа мөнгөний бодлого суларна. Мөнгөний бодлогын хүү чанга байна гэдэг бизнес хийхийг нийтээр нь хориглож байгаа хэлбэр. Жишээлбэл, НӨАТ үнийн өсөлтийг улам хөөргөж байгаа хэрэгсэл болж байна. АН НӨАТ-ын 5 хувийг нэгдмэл байдлаар дэмжиж байгаа. НДШ дээр ч алдааг засах учиртай.
