Улаанбаатар хотын зарим хэсэгт угаарын хий үнэртэж байгаа тухай цахим орчинд иргэд мэдээлсээр байна. Ялангуяа Баянзүрх дүүргийн иргэдэд энэ угаар илүүтэй үнэртсэн бөгөөд цонхоо нээлттэй хоносон иргэдийн толгой өвдөх гэх мэт шинж тэмдэг илэрчээ. Уг асуудал дээр Баянзүрх дүүргийн онцгой байдлын газар тус дүүрэгт үзлэг шалгалт хийж ямар нэг хий алдагдаагүй болохыг олж тогтоожээ. Яг юунаас үүдэлтэй нь тодорхойгүй байгаа учраас одоо агаарын хийг хэмжих ажиллагаа явуулж байгаа ажээ.
Баянзүрх дүүрийг зарим сургууль цэцэрлэг угаартай холбоотойгоор ажиллаагүй хүүхдүүдээ буцаасан байна.
