Уул уурхай, хүнд үйлдвэрийн сайд Ж.Ганбаатар өнөөдөр шатахууны нийлүүлэлт, нөөцийн талаар мэдээлэл өглөө. Тэрбээр ОХУ-ын Думын дарга В.В.Володин Монголд ирээд АИ-92 бинзений хязгаарлалтад Монгол Улсыг хамруулахгүй байхыг амласан. ОХУ-ын Засгийн газрын тогтоол тийм амархан шийдэгддэг асуудал биш байна. Гэхдээ бид ажилласаар байгаад өнгөрсөн долоо хоногийн пүрэв гаригт Засгийн газрын тогтоолд өөрчлөлт оруулж, АИ-92 шатахууны асуудал жигдэрсэн.
ОХУ-аас 92 вагон АИ92 шатахуун өчигдөр орж ирсэн бол өнөөдөр 62 вагон орж ирсэн. Томоохон импортлогч болох “Петровис” болон “Шунхлай” компаниудад АИ92 шатахууны нөөц байгаа. “Сод монгол” зэрэг зарим компанид нөөц байгаагүй. Ер нь хувийн хэвшил учраас заавал нөөцөө ханга гэж шаардах боломжгүй. Өнөөдрөөс бүх зүйл жигдэрч байгаа. ОХУ-аас Монгол руу түлш ачигдахгүй долоо хоноход энд улаан гэрэл асдаг. Та бүхэн санаж байгаа бол. Бид хангалттай нөөцтэй байсан учраас 20 хоног тэслээ. Хүргэлт өөрөө 2-3 хоног шаардаж байгаа” гэв.
