Иргэдийн буруу дадал зуршил, 00 суултууртаа хог хаягдлаа хийж урсгадаг байдлаас болж Төв цэвэрлэх байгууламжийн тоног төхөөрөмжид байнга гэмтэл саатал гарч, УСУГ-ын ажилчдад ч хүндрэл үүсгэсээр байна. Тодруулбал Төв цэвэрлэх байгууламжид өдөрт 10 чингэлэг хог буюу 1400-1500 тонн хог бохир устай хамт ирж, цэвэрлэж шүүх хэрэг гардаг ажээ. 00-ийн цаас, ариун цэврийн хэрэглэл, хүүхдийн живх, сальфетка гэх мэт усанд уусахгүй хог хаягдлууд бөөгнөрч насосыг гацаадгаас өдөр бүр 4-5 ажилтан гар аргаар цэвэрлэх, долоо хоногт дор хаяж 3 удаа насосны гацааг гаргах шаардлага гардаг гэж Төв цэвэрлэх байгууламжийн ээлжийн инженер хэлэв.
Ирэх онд шинэ төв цэвэрлэх байгууламжийг ашиглалтад оруулахаар төлөвлөж буй. Гэвч энэ мэтээр хүмүүс суултуураа хогийн сав болгосоор байвал хэчнээн шинэ цэвэрлэх байгууламжтай, шинэ технологитой боллоо ч насос тоног төхөөрөмжид халгаатай бадал хэвээр үргэлжлэх тул иргэдийг буруу дадал зуршлаа өөрчлөхийг УСУГ-ын мэргэжилтнүүд зөвлөлөө.
